Útúrsnúningar barnatrúboða
Fólk hefur einmitt ekki verið að mótmæla barnastarfi kirkjunnar, það mótmælir því þegar þessu barnastarfi er troðið í leik- og grunnskóla. Svona skrif eru dæmi um lygaáróður barnatrúboðanna. Þeim finnst í lagi að beita útúrsnúningum til að verja leikskólatrúboðið. Þykjast ekki skilja umræðuna.
Þess má geta að undanfarið hefur ríkiskirkjan eytt háum fjárhæðum í að auglýsa barnastarf sitt, t.d. með heilsíðuauglýsingum í blöðum. Einnig með veggspjöldum sem hanga uppi í nær öllum leikskólum landsins. Það kemur mér ekkert á óvart að það skili einhverjum árangri, peningar eru öflugt tæki og það er hægt að gera ýmislegt fyrir fimm milljarða á ári.
Sumum finnst siðlaust að beina markaðssetningu að börnum. Öðrum finnst það eðlilegt. Við köllum sumt af því fólki barnatrúboða.
Óli Gneisti - 18/09/08 12:21 #
Það virðist hins vegar vera að þessi umræða sé alltaf góð. Ef við kynnum málið þá sér flest fólk fáránleikan.
Matti - 18/09/08 17:17 #
Rétt, það er áberandi hvað það eru miklu fleiri sem taka undir með okkur í dag.
Það er aftur á móti afar þreytandi að standa í þessu stappi. Ég er eiginlega alveg að gefast upp á að svara athugasemdum hjá Höllu.
Óli Gneisti - 18/09/08 23:12 #
Ég skil það en þú hefur staðið þig vel.
Freyr - 19/09/08 11:00 #
Sammála síðasta ræðumanni. Nú þekkjust við ekkert Matti, en miðað við umræður á þessu bloggi, þá erum við skoðanabræður. Helsti munur okkar er að þú hefur dugnað og kjark til að standa í þessu - ég hef oftar en einu sinni gefist upp á að tala við fólk um trúmál því mér finnst ég vera að berja hausinn í vegg.