Kreppan og ríkiskirkjan

Á sama tíma og prelátar kirkjunnar rembast við að gera sig nauðsynlega í kreppunni tekst ríkiskirkjunni að koma með einhvern versta afleik sem hugsast getur í miðri kreppu. Í stað þess að legga sitt af mörkum á þessum tímum krefur ríkiskirkjan ríkið um milljónir, eins og kirkjan fái ekki miklu meira en nóg. Viðbrögð við fréttinni eru líka eftir því.

Stundum þurfum við í Vantrú ekki að segja neitt, kirkjan sér sjálf um að fletta ofan af sér. Ríkiskirkjan fær meira en fimm milljarða á ári frá skattgreiðendum og vill meira, miklu meira. Þar á bæ telur fólk líka að ekkert sé mikilvægara en kirkjan. Fyrr myndi þetta lið loka spítölum en kirkjum því kirkjan nærist á volæði.