Ég sendi Jónasi Kristjánssyni tölvupóst í fyrradag og bað hann um að leiðrétta rangfærslur um mig á síðu sinni. Hann hefur ekki svarað póstinum og ekki leiðrétt lygina.

Allir geta gert mistök, ég hef skrifað sitthvað á þessa síðu sem ekki hefur staðist en ég kann að skammast mín og leiðrétti rangfærslur þegar mér er bent á hið sanna í málinu. Jónas gerir ekki slíkt. Hvað er svona flókið? Hann getur uppfært eldri færsluna eða skrifað nýja. En í staðin stendur lygin og lesendur hans fá ekki einu sinni vísun til að geta kynnt sér málið.

Svo segist hann geta kennt fólki eitthvað um fréttamennsku. Ég hélt að fyrsta reglan væri að segja satt.