Ómerkilegi þingmaðurinn
Ég sagði á sínum tíma að hann væri óheiðarlegur (og hér), Hér er enn ein staðfestingin á því hversu ómerkilegur Bjarni Harðarson er. Hann gerir allt til að koma sér áfram, lýgur, svíkur og stingur fólk í bakið - engu máli skiptir hvort um að er ræða samherja eða mótherja. Þetta snýst bara um framapot Bjarna.
Sumir segja að þetta sé bara pólitík. Ég er mótfallinn svona stjórnmálum og vil fá heiðarlegt fólk á Alþingi, ekki svona hyski. "Nýtt Ísland" verður að snúast um heiðarleika og þá eiga sumir að halda sig við bóksölu.
Bjarni ætti að tala betur um kristna arfleifð íslenskrar menningar. Fólk eins og hann er afsprengi hennar.
Óli Gneisti - 10/11/08 22:10 #
Þetta er alveg stórfyndið.
Matti - 10/11/08 22:49 #
Jónasi tekst að mistúlka allt þessa dagana!
Nú hefur Bjarni framið pólitískt harakiri með ógeðsbréfi, sem hann samdi og lét senda til Valgerðar Sverrisdóttur. Hjálparmaður hans gleymdi svo að klippa burt nákvæm fyrirmæli Bjarna um, hvernig það skyldi sent nafnlaust og skyldi "óvart" lekið til fjölmiðla.
Mummi - 10/11/08 22:56 #
Þetta er virkilega ógeðfellt. Er mönnum stætt á því að sitja á þingi eftir svona?
Arnold Björnsson - 11/11/08 09:31 #
Maðurinn á að segja af sér strax. Þetta er ekki í fyrsta skipti sem hann verður uppvís af óheilindum og siðleysi eins og Matti bendir á. Svona fólk má ekki vera á Alþingi.
En þetta er broslegt í samhengi við umræðuna í kringum nýju gunnskólalögin og þessi kristnu gildi. Það er alltaf að koma betur og betur í ljós að þeir sem tala mest um mikilvægi þessa svokallað "kirstna siðferðis" eru þeir sem eru siðferðislega þreklausastir.