Ég er búinn að ganga frá afgöngum í ískápinn. Hálfur kalkúni eftir og hellingur af meðlæti. Eitthvað verður etið á morgun.

Var með sjávarréttarisotto í forrétt, kalkúna með aprikósufyllingu í aðalrétt og Diddi útbjó Crème brûlée í eftirrétt. Mikið óskaplega er gott að borða svona mat, mikið óskaplega hefur maður ekki gott af því. Kalkúni er samt skárri en flest af því sem er á borðum um hátíðarnar.

Stelpurnar eru loks sofnaðar. Þær héldu út, vöknuðu eldsnemma í gærmorgun og voru hressar alveg fram á nótt. Fengu náttúrulega fullt af pökkum og eru óskaplega sælar með allt saman. Vonandi sofa þær frameftir á morgun.

Ég ætla að fá mér einn bjór og slaka á fyrir svefninn.