Mér finnst fyrirkomulagið á Silfri Egils dálítið skrítið. Egill fær hóp af fólki í þáttinn og þar sitja þrír eða fjórir við borð. Svo ræðir Egill við þann fyrsta í smá tíma, eftir það þann næsta og þar fram eftir götunum. Aldrei verður nokkur samræða milli þessara gesta. Þetta eru í raun ekki umræður, Egill er bara að taka röð af viðtölum þar sem hann er í aðalhlutverki. Ég sakna þess dálítið að hafa ekki umræðuþátt þar sem þáttastjórnandi stýrir umræðum og fólk skiptist á skoðunum. Mig rámar í að Silfrið hafi einu sinni verið þannig.