Hvernig væri að takmarka þann tíma sem fólk getur setið á þingi, t.d. við átta ár?

Mótrökin felast væntanlega í því að margt gott fólk hafi setið lengi á þingi. Það fólk hlýtur að geta gert gagn á annan hátt eftir átta ára þingsetu. Á móti myndi ég benda á fólkið sem dagar uppi á þingi, fylgir flokkslínu alla sína tíð og gerir fátt annað en að hygla sér og sínum (Árni Johnsen).

Það mætti hugsa sér að ef ráðherrar sitja ekki á þingi sé önnur takmörkun, þannig að fólk gæti verið átta ár á þingi og átta ár í ráðuneyti.

Mér leiðast nefnilega dálítið atvinnustjórnmálamenn en kannski eru þeir nauðsynlegir. Er ekki búið að ala fólk (þjóðina) upp í því að einhver annar sjái um þetta. Fólkið sem var í nemendafélaginu í grunn-, framhalds- og háskóla fari á þing og hugsi fyrir okkur.