Var að lesa bókina Stoðir bresta eftir Óla Björn Kárason repúblikana hjá AMX.

Bókin er fljótlesin en ansi áhugaverð. Forvitnilegt að fara yfir feril Hannesar Smárasonar og sjá að í raun var hann algjör lúser, tapaði á næstum öllu sem hann gerði. Á því eru tvær undantekningar, hann græddi á EasyJet og því að selja Flugleiði út úr FL Group (Flugleiði út úr Flugleiðum).

Yfirleitt er ekkert sérlega skemmtilegt að lesa viðskiptafréttir en í ljósi þess sem síðar gerðist er afskaplega fróðlegt að kíkja á þessa sögu. Ef Óli Björn tekur fleiri viðskiptasögur saman mun ég eflaust kíkja á þær.