Bústaður um helgina

Eftir bingó Vantrúar á föstudag skelltum við okkur beinustu leið í bústað. Ásmundur og Guðrún voru þar fyrir.

Ég sá um að elda á föstudagskvöldið og stóð mig bara ágætlega. Er enn dálítið stoltur af brauðinu.

Í hádeginu á laugardag brá ég mér í Borgarnes til að glápa á fótboltaleik. Ætlaði á Dússabar en þar var ekki opið korter í tólf, endaði því á bensínstöðinni þar sem ég át sveittan borgara og sá Liverpool valta yfir Blackburn.

Fórum út að borða á Hótel Hamar við golfvöllinn í Borgarnesi á laugardagskvöldi. Þetta eru þriðju páskar í röð sem við kíkjum þangað. Maturinn var afar fínn, grafin rjúpa, risahörpuskel, lambatvenna og búðingur.

Páskaeggjaleit og át á páskadag, ég réð við hálft egg nr. 4 eins og ég sagði frá í gær. Byrjaði að lesa um Góða dátann Svejk, klára hana í næstu bústaðaferð.

Brunuðum í bæinn seinnipartinn í gær, beinustu leið til foreldra minna í Hafnafirði þar sem við borðuðum kvöldmat.