Sjálfstæðismenn hafa tekið undir að það þarf að brúa bilið í ríkisfjármálum. Það er raunveruleikinn í dag.

Þeir hafa þvertekið fyrir að hækka skatta og lækka laun opinberra starfsmanna. Vilja meina að ekki sé á ástandið bætandi hjá fólki vegna hækkandi skulda og verðbólgu.

Tekjur ríkissjóðs aukast ekki af sjálfu sér og því er ljóst að skera þarf niður útgjöld. Laun eru langstærsti útgjaldaliður ríkissjóðs

Spurningin er því ósköp einföld: Hvað ætla Sjálfstæðismenn að segja upp mörgum opinberum starfsmönnum? Munu hundruðir eða þúsundir opinberra starfsmanna missa vinnuna ef Sjálfstæðisflokkur kemst til valda?

Hvernig verður staða fólks eftir að það missir vinnuna hjá hinu opinbera og fer á atvinnuleysisbætur? Verður hún betri eða verri en ef skattar hefðu hækkað hóflega og laun þeirra sem hafa 300þ og meira lækkað eitthvað? Hver er munurinn á tekjum þessa stóra hóps í dag og atvinnuleysisbótum? Hver er launalækkun Sjálfstæðisflokksins?

Þessu þurfa sjálfstæðismenn að svara fyrir kosningar.