Það er fagnaðarefni að karlmenn hafa nú álíka frelsi og konur í fatavali á Alþingi. Megi þessi þróun halda áfram og hefðirnar hverfa eða þróast.

Það er misskilningur að virðing tengist jakkafötum og bindi. Fáum treysti ég verr en körlum í jakkafötum sem eru ekki á djamminu. Það voru karlar í jakkafötum með bindi sem settu þjóðfélagið á hausinn og Árni Johnsen hefur alltaf verið með bindi á þingi.

Hver veit, kannski verður hætt að hrúga Alþingismönnum í kristilega messu í Dómkirkjunni þar sem æðstistrumpur ríkiskirkjunnar prédikar yfir þingmönnum allra landsmanna, líka þeirra sem eru trúlausir eða annarar trúar en æðstistrumpur. Það er nefnilega hægt að hafa setningu Alþingis miklu merkilegri ef menn hætta að hugsa í úreltum hefðum.

Þegar slík umræða kemur upp mun heyrast harmakvein.