Þegar við skutluðum Einari og Evu heim í gær heimsóttum við Háls í Kjós og keyptum nautakjöt af bóndanum. Nautin eru send í sláturhús en kjötið er verkað á bænum.

Gripum T-bein steikur og tvennskonar sultur í gær. Í búðinni eru pakkað nautakjöt í ýmsum útgáfum og svo töluvert úrval í frysti, t.d. hakk og gúllas.

Við ætlum pottþétt að kíkja aftur á Háls. Ætla að panta lund næst, hún selst víst alltaf upp og grípa hakk og gúllas. Svo ætlar bóndinn að redda beinum því mig vantar nautamerg sem ég ætla að nota í risotto.

Það er ekki nema hálftíma akstur úr Reykjavík að Hálsi, tilvalinn helgarrúntur.