Fórum í bústað á föstudag og komum heim í dag. Ekki í Borgarfirði í þetta skipti heldur vorum við í Selvík. Vorum með tengdaforeldrum mínum, sem leigðu bústaðinn, um helgina. Vorum svo ein eina nótt. Foreldrar mínir komu í heimsókn í gær og gistu.

Gerðum svosem ekki mikið enda veður frekar leiðinlegt, rigning allan tímann. Ég gat ekki róið útaf meiðslum en stelpurnar fóru einu sinni á vatnið með afa sínum. Spiluðum minigólf og pool. Í gær fórum við smá rúnt á Geysi. Borðuðum þokkalegan mat á hótelinu en hamborgarinn var þó ekki jafn merkilegur og halda mætti af matseðlinum.

Ég komst að því að það er ekkert kjötborð á suðurlandi, a.m.k. ekki í Selfossi og Hveragerði Mér finnst dálítið lélegt að geta ekki fengið almennilegt kjöt í landbúnaðarhéraðinu. Úrvalið í Krónunni er þó töluvert betra en í Bónus. Bændur á svæðinu mættu gjarnan sýna lit og bjóða upp á úrvalskjöt, nóg er af túristum og sumarbústaðagengi í nágrenninu.

Ég dundaði mér við að lesa Hrunið en kláraði ekki, kenni Civ4 um það Áhugavert bók.