Ekki nenni ég að blogga um fjórtán ára stelpuna sem þykist hafa ekið frá Húsafelli til Keflavíkur í svefni. Það er mikið af rugli sem rekja má til táningsstelpna á mótþróarskeiði. T..d upphaf spíritisma.

Ætlaði að blogga um mig bak við stýrið seinni partinn. Ég rankaði við mér á Miklubrautinni, rétt áður en ég beygði að Reykjanesbraut. Var ekkert á heimleið heldur ætlaði ég að sækja stelpurnar í Borgarleikhúsið. Var snemma á ferðinni þannig að ég var mættur áður en þær komu út þrátt fyrir að hafa ekið aukakrók.

Furðulegt hvað ég get stundum dottið út þegar ég er að keyra. Fer að hugsa um daginn og veginn (kynlíf og þessháttar) og gleymi smáhlutum eins og áfangastað.