Hvað á Karl mikla peninga á bankareikningum? Hversu mörg hús á hér á landi og í útlöndum? Hve marga bíla?

Hefur einhver (fyrrum) auðmaður á Íslandi þurft að flytja úr risastóra húsínu sínu í annað minna? Þurft að selja rándýra bílinn sinn og kaupa sér annan hóflegri? Einkaþotunum hefur vissulega fækkað en annað virðist eins og það var.

Ég held þetta fólk sé verulega veruleikafirrt og telji að það geti lifað áfram eins og síðustu ár. Þetta sé ekki þeim að kenna, af hverju ættu þau að þurfa að sleppa einhverju.

Meðal þess sem þarf að gerast á Íslandi er að hér þarf að eiga sér stað ákveðin leiðrétting. Fólkið sem brenndi milljarða getur ekki haldið áfram að lifa eins og íslenskur aðall, það þarf að gerast íslenskur almenningur.

Annars endar þetta eflaust með ósköpum.

ps. Í grein Karls er villandi samanburður á arðgreiðslum og bankavöxtum. 2% arðurinn var greiddur af heildarhagnaði, ekki eigið fé. Til að fá milljarð í bankavexti hefði þurft að leggja tíu í banka, Karl lagði ekki tíu milljarða af eigin fé í Milestone. Annars eru lokaorð greinarinnar fín. Leigupenninn hefði mátt leggja meiri áherslu á slíkt.