Ég varð dálítið hissa þegar ég fletti Morgunblaðinu í morgun og sá grein eftir tvo guðfræðinga, séra Skúla Ólafsson í Keflavík og dr² Pétur Pétursson. Ég varð hissa vegna þess að ég las greinina fyrir næstum viku á trú.is. Grein er rusl eins og flest sem frá þessu fólki kemur, það var ekki óvænt.

Þetta var óvænt vegna þess að trúleysingjar hafa lent í því að aðsendar greinar fást ekki birtar í Morgunblaðinu ef þær hafa áður sést á vefriti. Við höfum því alltaf þurft að vanda okkur og bíðum með að birta greinar á vefnum þar til þær sjást á prenti. Svo eru reyndar dæmi þess að Morgunblaðið sleppi því alfarið að birta aðsendar greinar trúleysingja þó þær hafi hvergi birst en það er allt annað mál.

Morgunblaðið er líka dálítið skrítið blað.