Þeir sem fá mann heim til sín til að skipta um rafhlöðu í reykskynjara eru annað hvort afskaplega efnaðir, afskaplega óhandlagnir eða með öryggiskerfi frá Securitas (samkeppnisaðilar eru eflaust með svipaða þjónustu).

Skaust heim áðan til að taka á móti manni sem skipti einmitt um rafhlöðu í reykskynjara.

Áður hefur starfsmaður Securitas komið heim til okkar þegar rafmagni sló út meðan við vorum stödd í bústað. Sá skipti um öryggi í leiðinni.

Þannig að þó mér finnist helvíti blóðugt að þurfa vera með öryggiskerfi útaf úrkynjuðum ribböldum sem rupla og ræna fylgja því aðrir kostir en vörn gegn innbrotum.