Ég er heima í dag, dálítið slappur. Hálsbólga, höfuðverkur og ræpa. Hef svosem oft verið verri.

Helginni eyddum við í bústað. Gerðum ekki neitt. Gláptum á sjónvarp, fórum í pottinn, lásum og ég hékk í tölvunni með 3G tengingu gegnum gemsann (með því að tengjast síma úr tölvunni með bluetooth). Hef hingað til verið að rápa með GPRS sem er dýrara en allt dýrt, vona að þetta sé örlítið hagstæðara.

Kolla og Inga María voru agalegar saman um helgina. Rifust og tuðuðu nánast allan tímann.

Jóna Dóra systir mín útskrifaðist úr Bifröst á laugardag. Þau komu við hjá okkur á bakaleiðinni og við skáluðum í freyðivíni.