Krísa kokksins
Ég verð að játa að ég verð dálítið súr þegar börnin hrósa matnum sem kemur beint úr dós og pakka. Í kvöld voru það Goða kjötbollur í Hunts spagettísósu sem vöktu mikla lukku. Miklu meiri lukku en bollurnar sem ég legg mig fram við að elda sjálfur eða sósurnar sem ég geri frá grunni. Ég ætti kannski að hafa minna fyrir matseldinni eða elda bara fyrir okkur hjónin, stelpurnar geta fengið örbylgjumat. Svona getur hrós haft undarleg áhrif á mann.
Athugasemdir
Nonni - 07/10/09 12:57 #
Ég elda mat með það að markmiði að við eiginkonan verðum glöð. Ef drengirnir fúlsa við því verður það bara að hafa sig. Þeir fá kostamat í skólanum.
Þeir eru samt allir að koma til. Verst þegar þeir segja "Jamm þetta er fínt, en ekki jafn gott og í skólanum"