Þegar við ókum að bústað Miðhúsaskógi á laugardag lentum við í einum af þessum bílstjórum sem virðast hafa það á stefnuskránni að drepa sjálfa sig og aðra í umferðinni.

Við ókum Biskupstungnabraut undir Ingólfsfjalli á eftir bíl sem ók á 80. Það fór örlítið í taugarnar á mér og ég ætlaði að taka fram úr en gafst ekki færi, annað hvort var heil lína á veginum eða bílar að koma á móti. Ég er annars vanur að aka á 90 með cruise control.

Kemur þá til sögunnar hvítur Toyota Land Cruiser með númerið OH-673. Sá hafði verið fyrir aftan mig í smá tíma og var greinilega orðinn leiður eins og ég á að sleðast á 80. Skyndilega sé ég að Land Cruiserinn er kominn yfir á öfugan vegarhelming og byrjaður á framúrakstri. Á sama tíma komu bílar á móti okkur og nálguðust hratt, það var ekki nokkur leið að þessi framúrakstur myndi heppnast. Ég gat ekki gert annað en að leggjast á flautuna og hægja á mér. Land Cruiserinn hægði á sér líka og fór aftur fyrir mig. Hvað átti ég að gera, ég gat ekki vitað hvort hann ætlaði að rembast við að ná fram úr mér eða hætta við. Stuttu síðar tókst honum ætlunarverkið og tók fram úr mér, ók svo fyrir framan mig á 80km hraða næstu kílómetrana þar til hann tók fram úr næsta bíl.

Málið er að mér er (næstum því) drullusama þó ökufantar drepi sjálfa sig, keyri t.d. fram af björgum, en það pirrar mig afskaplega mikið þegar þeir setja fjölskyldu mína og aðra í stórhættu í umferðinni. Ég vil því biðja unga manninn sem ók hvítum Toyota Land Cruiser með númerið OH-673 undir Ingólfsfjalli milli þrjú og fjögur á laugardag vinsamlegast að hoppa upp í rassgatið á sér.