Gyða átti afmæli í gær, varð rétt rúmlega þrítug.

Við byrjuðum afmælisdaginn skömmu eftir miðnætti þegar við kíktum í Iðu og keyptum nýjustu bók Arnalds Indriðasonar. Gyða hefur lesið þær allar. Héldum svo hádegisboð fyrir foreldra okkar og systkini mín, ég bjó til súpu og brauð.

Seinnipartinn kíktum við í Kringluna, ég hafði rekist á afmælisgjöf sem ég var að spá í að kaupa en vildi fá Gyðu með mér til að velja. Enduðum á því að kaupa aðrar gjafir sem voru töluvert ódýrari. Gyða er ekki með mjög dýran smekk. Tókum mynd á bílastæðinu, það þótti henni vandræðalegt þó fáir væru á ferli.

Komum við á Saffran á heimleiðinni og keyptum Saffran kjúkling handa allri fjölskyldunni, borðuðum kvöldmatinn heima í rólegheitunum. Höfum haft það fyrir sið að fara út að borða á afmælisdögum en það var þreyta í mannskapnum þannig að við ákváðum að sækja mat í þetta skipti.

Enduðum kvöldið í bíó.