Meðalstærð heimila trúleysingja
Samkvæmt frétt MBL er verið að skoða þann möguleika að sameina Þjóðskrá og Fasteignaskrá.
Það hefur furðulega lítil umræða verið um það á Íslandi að hið opinbera heldur skrá um trúfélagsskráningu allra landsmanna. Víða þætti þetta brot á friðhelgi einkalífsins en ekki hér á landi. Á Íslandi eru það hagsmunir ríkiskirkjunnar sem gilda og þetta fyrirkomulag er nauðsynlegt til að hægt sé að dæla sóknargjöldum flestra landsmanna til hennar.
Ég man eftir því að þegar ég var í tölvunarfræði hélt Oddur Benediktsson einu sinni fyrirlestur um gagnagrunn á heilbrigðissviði sem þá var í bígerð og Oddur Oddur var afskaplega mikið á móti slíkum hugmyndum. Meðal þess sem hann sagði til að benda á hvað þetta væri hrikalegt var að þegar Þjóðverjar réðust inn í Danmörku hefðu þeir getað sótt opinberar skrár um alla gyðinga í Danmörku. Ég man ekki eftir því að Oddur Ben hafi mótmælt trúfélagsskráningu hins opinbera hér á landi!
Það gengur ekki að láta ríkiskirkjuna halda utan um þessi mál og sjá um að innheimta félagsgjöld. Nei, það gengur alls ekki. Það sjá allir.
Það styttist þá væntanlega í að hið opinbera geti gefið út skýrslur um meðalfermetrafjölda hjá trúleysingjum og brunabótamat heimila ásatrúarmanna. Það verður fjör. Kannski verður hægt að tengja sóknargjöld við þetta, svo lengi sem ríkiskirkjan græðir meira.
Mummi - 04/11/09 12:37 #
Ég las athugasemdir frá Þórhalli Heimissyni fyrir nokkru síðan. Þar sagði hann að fólk kysi með fótunum. Hann benti sauðheimskum trúleysingjum, sem voru þarna inni hjá honum, að pesta hann, á það að fólk væri ekki skráð þar sem það vildi ekki vera. Makes perfect sense.
Þess vegna er það öllum ljóst (fyrir utan trúleysingjum sem eru að reyna að snúa út úr) að það að ríkið innheimti og útdeili sóknargjöldum í gegnum skattkerfið er bara til þæginda, alls ekki til að tryggja kirkjunni pening. Þótt ríkið myndi hætta að innheimta pening fyrir trúfélögin og myndi þess í stað senda 11.000,- kr greiðsluseðil einu sinni á ári á hvern fullorðinn einstakling sem væri á skrá hjá þeim myndi það ekki hafa áhrif á innkomuna - því allir myndu borga. Þetta segir prestur og prestar ljúga ekki.
Ertu í alvörunni að reyna að mótmæla presti? Þú veist að þeir eru hámenntaðir, ekki satt? Og beintengdir við guð - þeir talar við hann á hverjum degi. Hvernig geta slíkir menn haft rangt fyrir sér?
Stefán Pálsson - 04/11/09 12:43 #
Ég held nú reyndar að opinber trúfélagsskráning sé reglan frekar en undantekningin í löndunum í kringum okkur. Sbr. t.d. fréttir sem reglulega berast af því þegar menn vilja fá að skrá trú sína sem Jedi-meistara eða fylgismenn spaghettískrímslisins...
Matti - 04/11/09 13:55 #
Ég geri mér grein fyrir því, sbr. frásögn Odds Ben. Það gerir þetta fyrirkomulag þó engu skárra þó önnur lönd hafi sama hátt á :-)
Af hveru ekki stjórnmálaskrá ríkisins? Bölvað vesen að stjórnmálaflokkar séu að halda sjálfir utan um félagaskrá og innheimta félagsgjöld. Reyndar fara styrkir til stjórnmálaflokka eftir fjölda þingmanna (held ég) en það er þó ekki persónugreinanlegt.
Bjarki - 04/11/09 14:13 #
Frásagnir af Jedi-meisturum og fylgi við spagettiískrýmslið koma flestar frá Bretlandi þar sem upplýsingum um trúfélög er safnað þegar manntöl eru tekin. Þar er fólki frjálst að fylla ekki út í reiti um trúmál og upplýsingarnar eru ekki persónugreinanlegar.
Ég þekki ekki hvernig þetta er á Norðurlöndunum en myndi alls ekki ganga út frá því að fyrirkomulagið sé eins og hið íslenska.
Gutti - 05/11/09 02:11 #
Við búum náttúrulega í rosalega eftilitssamfélagi hérna. Við erum svo fá og notum kennitölur í allt. Það þarf ekki einu sinni að hafa manntöl því það alltaf er hægt að fletta því upp hve margir eru hvað á hverjum tíma.
Ég hef reyndar aldrei haft neinar áhyggjur af þessu.