Ég sótti Ingu Maríu úr fimleikum í dag og var því kominn frekar snemma heim eða um hálf sex. Ákvað að baka brauð því ég hafði tekið að mér að elda risotto með lambakjötsafgöngum frá sunnudeginum.

Gerði því bara einfalt foccica brauð með hvítlauksolíu og salti. Kom afskaplega vel út í þetta skipti. Komst svo að því að ég átti ekki kjötsoð þannig að ég fékk mér göngutúr út í búð. Hlustaði á Hjaltalín á leiðinni.

Lambakjötsrisotto heppnaðist vel og vakti lukku hjá stelpunum. Innihélt einn lauk, tvö hvítlauksrif, matskeið af tómatpúrru, lambakjöt, sveppi, rauðvín, kjötsoð og parmesan. Eitt rauðvínsglas fór að sjálfsögðu í kokkinn meðan hann eldaði og annað með matnum.

Meðan ég hrærði í risotto og bætti soði út á hlustaði ég á I adapt í iPodinum. Þetta var einkar ánægjuleg eldamennska!