Djöfull er gott að fara í fótbolta í hádeginu. Það var doði yfir mér fyrir hádegi en nú er ég vaknaður. Við skulum sjá til hvað það endist, það var nefnilega ekki til neitt að éta þegar ég kom til baka. Hádegisverðurinn var því súkkulaðistykki.

Það eru engin tíðindi úr bústað - þegar ég gáði rétt fyrir hádegi voru gildrurnar á sínum stað. Ég skaust semsagt uppeftir síðdegis í gær, henti músinni og kom nýjum gildrum fyrir. Setti líka stálull í fleiri glufur og músanet fyrir götin undir heita pottinum. Kom hátíðnifælu fyrir í eldhúsinu. Vonandi dugar þetta.