Sú mynd af Jesús sem haldið er að okkur er að hann sé ótrúlega góður náungi, þannig eru til trúleysingjar sem segjast "aðhyllast Jesús" eða eitthvað í þá áttina. Í dag kíkjum við á Lúkasarguðspjall, 20. kafla.

Með hvaða valdi?

Eitt sinn var Jesús að kenna fólkinu í helgidóminum og flutti fagnaðarerindið. Þá gengu æðstu prestarnir og fræðimennirnir ásamt öldungunum til hans og sögðu: „Seg þú okkur, með hvaða valdi gerir þú þetta? Hver hefur gefið þér þetta vald?“
Hann svaraði þeim: „Ég vil og leggja spurningu fyrir ykkur. Segið mér: Hver fól Jóhannesi að skíra, var það Guð eða voru það menn?“
Þeir ráðguðust hver við annan um þetta og sögðu: „Ef við svörum: Það var Guð, spyr hann: Hví trúðuð þið honum þá ekki? Ef við svörum: Það voru menn, mun allt fólkið grýta okkur því að menn eru sannfærðir um að Jóhannes sé spámaður.“ Þeir kváðust því ekki vita hver fól honum það.
Jesús sagði við þá: „Ég segi ykkur þá ekki heldur hver fól mér að gera þetta.“

WTF?

Þar sem menn hræðast múginn og þora ekki að segja það sem þeir hugsa ákveður Jesús að fela sig bak við sömu hræðslu. Jesús felur sig bak við manndrápsmúg og neitar að svara einfaldri spurningu. Af hverju svarar hann ekki bara? Það er ekki eins og hann sé oft að lýsa því yfir að hann sé Mannsonurinn sem muni frelsa þá sem á hann trúir.

Hann minnir mig dálítið á presta sem missa skyndilega trú á alla yfirnáttúrulega þegar á þá er gengið - en prédika þessa sömu yfirnáttúru á hverjum sunnudegi.