Við eyddum áramótum hjá foreldrum mínum í Hafnafirði. Borðuðum hamborgarhrygg. Kíktum á brennu í Garðabæ. Stoppuðum reyndar ekki jafn lengi og við ætluðum.

Horfðum að sjálfsögðu á skaupið, mér fannst það nokkuð fyndið. Stelpurnar hlógu að ýmsum bröndurum.

Þórður bróðir minn keypti risaköku, ég keypti eina rakettu og stjörnuljós. Mér fannst flugeldaútsýnið við lækinn ekkert svakalegt. Reyndi að taka flugeldamyndir með litlum árangri. Ég er enn að vinna myndir, búinn að setja einhverjar á vefinn, bæti fleiri við á eftir.

Tókum fjölskyldumynd eftir að hafa skálað fyrir nýju ári. Ásmundur, Harpa og kó komu í heimsókn eftir miðnætti. Ég var í því að blanda mojito fyrir liðið en drakk ekkert sjálfur. Tek djammið út á laugardag, það verður epískt!

Komum heim rétt fyrir fjögur, stelpurnar steinsofnuðu en ég fór dunda mér í tölvunni, meðal annars við að setja inn myndir. Steinsvaf til hálf tvö.