Örvitinn

Bjórsmökkun

Fór í bjórsmökkun á vegum Vínskólans með vinnufélögum á föstudag. Þetta var ansi áhugavert. Farið yfir sögu bjórsins (kirkjan kom við sögu) og framleiðsluferli í stuttu máli. Allskonar bjór smakkaður, brögðuðum níu tegundir. Bjór frá Ölvisholti var áberandi. Ég var ekki hrifinn af stát bjórnum, sér í lagi þótti mér Lava skelfilega vondur, þorrabjórinn var ágætur og ESB bjórinn var góður.

Annars finnst mér Stella alltaf bestur :-)

Ýmislegt
Athugasemdir

Helgi Briem - 08/02/10 14:44 #

Það er sjálfsagt smekksatriði en mér þykir Lava hrein snilld og allar gerðir af stout eru í sérstöku uppáhaldi. Sá íslenski frá Viking er unaður.

Jón Magnús - 08/02/10 14:46 #

Gaurinn sem hélt bjórkynninguna sagði nú að stout bjórar eins og Lava væru fyrir hreinræktaða bjór perverta :)

Mér fannst þetta eins og að drekka ösku - þ.e. ekki gott!

Kalli - 08/02/10 23:14 #

Ég er reyndar ansi mikill Imperial Stout pervert og ég er ekkert sérstaklega hrifinn af Lava. Hefur aðallega með það að gera hvernig þeir túlka stílinn.

Og það er heldur ekki það sama stout og stout. Dry stout, imperial stout, foreign stout og svo framvegis : )

Helgi Briem - 09/02/10 10:24 #

Já, Kalli, en Lava er ekki bara Imperial Stout heldur "reyktur" Imperial Stout sem er allt annar hlutur (og mun sjaldgæfari). Hugmyndin var að herma eftir Laphroaig viskíi en það er ekki allra heldur.

Matti - 09/02/10 10:31 #

Ég vil nefnilega frekar drekka mitt viskí í litlum skömmtum úr litlu glasi.

Ég var einmitt að spá í þessu þar sem ég er mikið fyrir viskí. Mér fannst þetta bara ekki passa :-)

Helgi Briem - 09/02/10 12:14 #

Ég er mikið fyrir viskí en Laphroaig er of mikið af hinu góða (fyrir minn smekk). Ég veit að sumum viskímönnum finnst það æðislegt.

Í framhjáhlaupi má geta þess að á bannárunum var Laphroaig eina viskíð sem var leyft og þá einungis í lækningaskyni. Væntanlega hefur banneftirlitsmönnum þótt óhugsandi að einhver vildi drekka þennan óþverra af fúsum og frjálsum vilja.

hildigunnur - 09/02/10 14:16 #

Ég er síst hrifin af Lava af Ölvisholtsbjórum og þó er ég mikið fyrir stout - kannski þessi reyking. (tek undir með Helga, Laphroiag er hræðilegt). Mér þótti samt jólabjórinn þeirra snilld og hann var talsvert reyktur.

Stella finnst mér hins vegar ansi þunnur þrettándi ;)

Kalli - 09/02/10 19:02 #

Það er nú bara meira en ég vissi að hann væri reyktur í ofanálag. Ég hef nú aldrei náð að smakka Laphroaig en það lyktar ákaflega vel. Mér finnst Ardbeg ógeðslega gott og einhver sagði að það væri eins og að sleikja tjargað reipi svo ég held ég þoli ýmislegt : )

Því miður er ég sammála Hildigunni. Ég er gríðarlega glaður yfir hve ævintýragjarnir þeir eru í Ölvisholti en mér finnst samt leiðinlegt að bjórinn þeirra sem mér finnst bestur er Skjálfti. Ég er kannski enginn sérlegur aðdáandi reykts malts en finnst það alveg fínt stundum. Kvartaði til dæmis ekkert þegar ég sá að Aecht Schlenkerla Rauchbier Urbock var mættur í Systemet : )

Már - 10/02/10 01:33 #

Ég er gríðarlegur aðdáandi fólksins í Ölvisholti.

Þau eru vissulega mistæk (t.d. jólabjórinn í fyrra - OMG!) en þau eru að sama skapi djörf og nýjungagjörn, og ekkert að fara of fínt í hlutina. Mikið bragð, mikið krydd.

En þessi stíll þeirra er alls ekki allra.

Ég fíla persónulega Lava alveg rosalega vel - í mjög litlum skömmtum, t.d. með dökku súkkulaði.

Eins var ég alveg orðlaus yfir þessum berjahveitibjór (Suttungasumbl) ...virkaði mjög vel á mig.

Jón Yngvi - 10/02/10 16:21 #

Sammála Má. Lava með franskri súkkulaðiköku eða amerískum brownies er alger snilld