Bullukollavefritið Kryppa vísar á mig í pistli um samsæriskenningar og segir:

Einn dyggur lesandi Kryppunar.com er t.d. í heilagri herferð gegn þeim sem ekki samþykkja allt sem stjórnvöld segja.

Í fyrsta lagi vil ég frábiðja mér svona skítadylgjur, ég er ákaflega ódyggur lesandi kryppunnar :-) Ég hef aftur á móti sett inn tvær eða þrjár athugasemdir varðandi bólusetningar sem kryppuliðar trúa ekki á. Ætli það dugi ekki til að ég sé meðal þeirra dyggustu lesenda.

Ekki vissi ég af þessari heilögu herferð minni gegn þeim sem andmæla stjórnvöldum. Þetta kemur mér satt að segja dálítið á óvart, hvað veit Kryppa sem ég veit ekki?

En í staðin fyrir að gera vísindalegar prófanir sjálfur finnur hann einhverja spekinga á netinu og gerir þær skoðanir að sínum.

Getur einhver bent mér á "vísindalegar prófanir" sem liðið á Kryppu hefur gert? Nei, ég reyni vissulega að kynna mér skrif annarra "spekinga" um þessi mál og geri þær skoðanir að mínum sem mér þykja best rökstuddar.

Gott og vel kannski hafa spekingarnir hans meira rétta fyrir sér en þeir sem Elías vitnar í en hvað fær fólk til að verja stjórnvöld fyrir svona gagnrýni.

Þetta er óborganlegt. Spurningunni er svarað í þessari setningu, í þessu tilviki ver ég stjórnvöld fyrir svona gagnrýni vegna þess að "mínir spekingar" hafa meira rétt fyrir sér. Það sem fær mig til að verja hvern sem er fyrir "gagnrýni" er sannleikurinn. Ég vil komast að því sem er rétt þó ég þurfi af og til að skipta um skoðun vegna þess að í ljós kemur að ég hafði rangt fyrir mér.

Og ekki er þetta áhugi á sannleikanum því öllum mótrökum er sturtað niður með hæðnisglotti. Nei, þessi hetjulega baráttu á sér einhverjar aðrar skýringar.
...
Þeir sem berjast gegn gagnrýni á ríkjandi stjórnvöld án sýnilegra beinna hagsmuna eru því kannski eins og trúaði alkóhólistinn. Ef einhver minnsti efi um sannleiksgildi opinberra fréttatilkynninga kemst að þá hrynur líf viðkomandi til grunna. Hvers vegna er síðan efni í nýja samsæriskenningu.

Æi, hvað get ég eiginlega sagt? Höfundurinn segir um sjálfan sig að "[hann sé] örlítið þroskaskertur en það [komi] ekki að sök".

Já! (hæðnisglott).