Fjölskyldunni var boðið á Sjávarkjallarann á laugardagskvöld í tilefni afmælis Guðrúnar.

Höfum aldrei farið þangað áður og vorum því spennt að prófa. Þetta er ansi flottur staður í endurnýjuðum kjallara við Aðalstræti.

Pöntuðum exotic menu fyrir allt borðið, eldhúsið velur þá fyrir borðið. Skemst frá því að segja að maturinn var magnaður. Fjölbreyttir réttir streymdu á borðið, saltfiskur, túnfiskur, sushi, hreindýracarpaccico, lamb, humar og ég veit ekki hvað. Allir réttirnir voru afskaplega góðir. Stelpurnar borðuðu vel og smökkuðu allt - fyrir utan Ingu Maríu sem er ekkert fyrir sushi.

Það eina sem klikkaði allt kvöldið er að dálitla stund var ekkert vatn á borðinu og ég þurfti að biðja þjón um aðra flösku. Ekki stórvægilegt því annars var þjónustan mjög góð.