Skellti nagladekkjunum undir í morgun, byrjaði daginn hjá Max1 þar sem málinu var reddað á augabragði. Það má því gera ráð fyrir að snjór og klaki muni ekki sjást á götum borgarinnar fyrr en næsta vetur. Ég þurfti að moka snjó til að komast inn í bílskúr.

Setti naglana undir þar sem ég þarf að keyra á Laugarvatn í dag. Blaðra þar við nemendur í einum kúrs um Vantrú. Spurning um að ég noti bara glærurnar hans Bjarna, ekki ónýtt þegar kennari við Háskóla Íslands hefur unnið vinnuna fyrir mann.