Ríkissjónvarpið sýndi í gærkvöldi fyrri hluta ferðasögu danans Jan Tandrup um Ísland. Ég horfði vegna þess að ég hélt að Jan væri ljósmyndari og var spenntur að sjá hvernig hann bæri sig að við myndatökur - en í ljós kom að hann var ekkert að taka ljósmyndir heldur kvikmyndir og mér þykir það ekki næstum því jafn spennandi.

Það var dálítið spaugilegt að horfa á þáttinn þar sem Jan klippir dálítið hressilega, eina stundina er hann uppi á miðju hálendi Ísland, þá næstu á leið til Vestmannaeyja.

Það vakti furðu mína að Jan virtist duglegur við að aka utan vega. Einu sinni í þættinum sagði hann að slóðinn hefði horfið fyrir einhverjum hundrað eða tvö hundruð metrum og í nokkrum myndskeiðum sáum við að slóðarnir sem hann ók voru ekki mjög merkilegir, jafnvel bara för eftir aðra bíla. Svo virtist hann eiga erfitt með að halda sig á slóðinni í einu myndskeiði, var með annað dekkið utan vegar.

Þátturinn var a.m.k. ekki mjög æskileg auglýsing fyrir ferðamennsku á Íslandi, vonandi halda danir ekki að á Íslandi sé í lagi að leigja jeppa og keyra hvert sem er.