Spiluðuðum úti á gervigrasinu í Safamýri í frábæru veðri í hádeginu. Stórfínt að komast út og sprikla. Þó það sé gaman í innibolta er það ekki það sama.

Ef þið hafið áhuga á að spila fótbolta í hádeginu á þriðjudögum, miðvikudögum og eða fimmtudögum í sumar megið þið endilega hafa samband. Þetta er breiður hópur fólks sem spilar í þessum tímum og alltaf pláss fyrir fleiri, þarna eru forritarar eins og ég, fjölmiðlamenn, beyglur^*, kvikmyndaleikstjórar og meira að segja pólitíkusar af og til svo eitthvað sé upp talið. Ef nógu margir mæta er spilað á stórum velli, 11 á móti 11 en það hefur reyndar ekki oft verið svo góð mæting, oftast eru þetta 10-16 sem mæta.

Annars var mér ráðlagt að mæta ekki í fótbolta í hádeginu eftir blóðgjöf en ég drakk Gatorate og át Snickers og banana fyrir hádegi - var ekkert svo slappur.

^* Sko, Halla Gunnars notar þetta sjálf!