Það eru víst eitthvað skiptar skoðanir um það hvort nýju gervigrasskórnir mínir eru glæsilegir eða ekki. Af þeim skóm sem ég prófaði í Útilíf voru þeir þægilegastir og ég fann par sem smellpassar, voru þröngir í byrjun hádegisboltans en góðir í lokin. Það er 20% afsláttur af fótboltavörum í Útilíf í dag en svo frétti ég að Jói útherji er að selja skóna á sama verði og þeir fást á með afslættinum í Útilíf, kosta 11.990.- hjá Jóa, 11.992.- með afslætti í Útilíf.

Skórnir reyndust vel í dag þó ég hafi reyndar verið í tapliðinu en það er bara vegna þess að Steini og Palli eru svo stórkostlegir í fótbolta, það er ekkert hægt að ráða við svoleiðis menn. Fínt að spyrna í nýju skónum en ég kenni þeim að sjálfsögðu um þau skipti þegar ég missti boltann, þarf að læra aðeins betur á þá.

Þess má geta að við spiluðum í hellidembu í hádeginu og það var stórfínt.