Hvar búa borgarfulltrúar?
Ég fór að velta því fyrir mér hvernig nýja borgarstjórnin hér í Reykjavík er skipuð. Fletti upp heimilisföngum borgarfulltrúa á kosningavef Dóms og mannréttindaráðuneytis og merkti (ekkert gríðarlega nákvæmt) á korti sem ég stal af Borgarvefsjá. Eins og sjá má búa þeir við miðbæinn með þremur fjórum undantekningum. Einar Örn býr lengst frá ráðhúsinu og Björk Vilhelmsdóttir næstlengst. Sjálfstæðisflokkur er dökkblár á myndinni, Samfylking rauð, VG græn og Besti flokkurinn ljósblár. Smellið á myndina til að sjá hana stærri.
Það væri fróðlegt að finna út "miðju" borgarfulltrúanna.
Svenni - 31/05/10 13:00 #
þess vegna er nauðsynlegt að hafa flugvöll og sjúkrahús í miðbænum
Haukur - 31/05/10 13:15 #
Fínn póstur!
Bragi Skaftason - 31/05/10 13:19 #
Vantar ekki einn Sjallann?
Ingibjörg - 31/05/10 13:40 #
Er ekki VG grænn hjá þér?
Sindri G - 31/05/10 13:56 #
Gott að búa nálægt vinnunni.
Óli Gneisti - 31/05/10 14:17 #
Það væri áhugavert að bæta við varaborgarfulltrúunum líka.
Matti - 31/05/10 14:31 #
Fjandakornið, Pressan vará undan mér. Ég nenni ekkert að fylgjast með þeirra síðu :-)
Henrý Þór - 31/05/10 14:59 #
Er þetta ekki frábært mál? Minnkar kolefnisnotkun að búa nálægt vinnustað. Oj, hvað Einar Örn er mikill umhverfissóði, uss.
Svo hefur misvægi atkvæða til alþingiskosninga lengi verið heilög kýr á Íslandi. Ekki mátt hrófla við landsbyggðarþingmönnum. Nú er Reykjavík sá petri diskur sem þarf til að sýna að þjónusta við íbúa Laugardals drabbist ekki niður þótt enginn borgarfulltrúi búi þar.
Reyndar býr enginn landsbyggðarþingmaður á landsbyggðinni, strangt til tekið. Þeir búa allir í Reykjavík og nýta sér þjónustu þess sveitarfélags, en borga svo útsvar heim í hérað. Þetta gerði ég líka lengi vel þegar ég bjó í Reykjavík. Svona er innrætið í okkur dreifurunum.
Haukur - 31/05/10 16:02 #
Einar Örn hlýtur að taka strætó.
Og Sjallarnir í Fossvoginum hljóta að vera með "car pool".
Guðlaugur Örn - 31/05/10 18:16 #
Ég vona að þetta þýði ekki að Seljahverfið haldi áfram að breytast í skítugt gettó... eins og hefur verið raunin síðustu 10 ár eða svo.
Skelfilegt að sjá útlitið á þessu frábæra hverfi og vonandi setur ný borgarstjórn smá metnað í úthverfin.