Síðustu helgi fletti ég í gegnum mogga síðustu viku í leit að umfjöllum um ríkiskirkjuna þar sem töluverður styr hefur staðið um hana undanfarið. Á mánudag og þriðjudag var fjallað um fjármál kirkjunnar í Morgunblaðinu. Fyrri daginn var nokkuð gagnrýnin umfjöllun þar sem m.a. var vitnað í dómsmálaráðherra sem sagði að kirkjan þyrfti að spara eins og aðrir. Á þriðjudag birtist á leiðarasíðu umfjöllun sem var ansi vilhöll kirkjunni þar sem lögð var áhersla á að ríkið gæti ekki tekið einhliða ákvörðum um niðurskurð hjá kirkjunni.

Alla vikuna var ekki stafkrókur um kynferðismál kirkjunnar í Morgunblaðinu, a.m.k. sá ég ekkert (útiloka ekki að þetta hafi farið framhjá mér en ég leitaði samt nokkuð vel). Samt fjölluðu aðrir miðlar um þau mál í síðustu viku, m.a. að dóttir fyrrum biskups hefði leitað til kirkjunnar útaf málum föður síns.

Í þessari viku er kirkjan byrjuð að senda út fréttatilkynningar með aðstoð almannatengslasérfræðinga (EKH er eflaust á svæðinu) og þá tekur Morgunblaðið við sér og birtir allt sem kirkjan sendir frá sér, gagnrýnislaust.

Morgunblaðið fjallar um ríkiskirkjuna á svipaðan hátt og blaðið fjallar um kvótann eða ESB.