Karl Sigurbjörnsson biskup Íslands hefur ekki bara satt ósatt um forvera sinn. Hann hefur líka verið óskaplega duglegur við að ljúga upp á trúleysingja. Þannig hefur hann ekki hikað við að kalla þá siðleysingja og haldið því fram að þeir vilji hætta að kenna um trúarbrögð í skólum þó hann viti að það er ósatt.

Fólki þótti það bara í lagi, samþykkti svosem að hann væri að segja ósatt (ljúga) en taldi að trúleysingjar ættu skilið að um þá væri logið.

Það kemur okkur því nákvæmlega ekkert á óvart að hann ljúgi um annað og hann er augljóslega að ljúga þessa dagana. Þið vitið hvenær hann segir satt, þá vekja orð hans almenna reiði. Hann lýgur svo til að reyna að róa fólk.

Fólk sem lítur á hann sem "andlegan leiðtoga" á kannski erfitt með að trúa þessu upp á karlinn, en forveri hans gerði þetta líka og það trúði honum.