La Primavera - geit og hreindýr
Við hjónin kíktum á La primavera í gærkvöldi. Ákváðum með stuttum fyrirvara að skella okkur út að borða af engu sérstöku tilefni.
Gnocchi með hægeldaðri geit frá Háafelli, kanil og rótargrænmeti (2600.-) var afskaplega góður forréttur, litlir gnocchi koddar og geitin dásamlega bragðgóð. Gyða fékk sér Krækling frá Hrísey með tómötum, hvítlauk og jurtum (2380.-)
Íslenskt hreindýr með sultuðum rauðlauk, og furusveppasósu (5830.-) er með því besta sem ég hef borðað í langan tíma. Ótrúlega gott kjöt. Gyða pantaði Kálf með kartöflustöppu og rósmarín- hvítlaukssósu (4210.-)
Fengum okkur súkkulaðiðköku (1500.-) í eftirrétt. Mjög góð en næstum of mikið súkkulaði (ef það er hægt). Ég kláraði nú samt mína.
Ég mæli a.m.k. afar mikið með geitinni og hreindýrinu á jólamatseðli La Primavera.
Með einu rauðvínsglasi kostaði kvöldverðurinn 16,520.- Borguðum bara fyrir aðra súkkulaðikökuna. Á fyrsta reikning vantaði báðar kökur og ég vakti athygli á því, fengum því aðra frítt. Ég drakk vatn með matnum enda í prófum.
Kristín í París - 05/12/10 12:35 #
Like fyrir að benda á mistökin, ég geri þetta líka alltaf, enda náttúrulega fyrrverandi þjónustustúlka:)
Einar Jón - 06/12/10 19:12 #
Er þetta eðlilegt verð á íslenskum stöðum?
Samkvæmt bókhaldinu mínu kostar þetta meira en síðustu 12 skipti sem við hjónin fórum út að borða hér á Indlandi (borgað fyrir samtals 27 manns).
Ég þori varla að flytja heim...