Alþingi var rýmt vegna hrópa af þingpöllum. Er ekki oft ástæða til að rýma Alþingi vegna hrópa úr þingsal? Jafnvel kemur fyrir að það sem sagt er í púlti gefur tilefni til að kasta fólki út.

Mér finnst það ekki góður leikur hjá mótmælendum að gefa lögreglu tilefni til að rýma þingpalla. Hefðu þögul mótmæli ekki verið sterkari? Væntanlega hefðu mótmælaspjöld reyndar verið tekin af fólk því leitað var á því áður en það fékk að fara á þingpalla.

Vert að það komið fram að mér þykir málatilbúnaðurinn gegn nímenningunum skandall og botna ekkert í því að haldið sé áfram með málið eftir að í ljós er komið að alvarlegustu ásakanirnar eru rangar. Satt að segja þykir mér það rannsóknarefni hvernig saksóknari hefur unnið í málinu.

Það er kominn tími á einhversskonar alvöru byltingu á Íslandi. Það er varla meiri skaði að því að reyna allavega að koma á réttlæti heldur en að leyfa þeim [þingmönnum] að vera þarna. Þeir hafa ekki sýnt neinn vilja til að leggja Alþingi niður, þrátt fyrir að hafa margsannað vanhæfi sitt,“ sagði einn mótmælenda sem kallar sig Garm. #

Því miður Garmur, fólk styður þessa kröfu þína einfaldlega ekki. Almenningur á Íslandi vill ekki leggja Alþingi niður.

• Smugan: „Ekki tala Ásta Ragnheiður og drullaðu þér út.“ Níumenningar mótmæla á þingpöllum