Ég blogga nær ekkert þessa dagana þó ýmislegt sé að gerast.

Rútínan er að fara í gang, skólinn byrjar sennilega á morgun (ég er ekki alveg viss, hringi í fyrramálið). Ég held að næstu mánuðir verði alveg ágætir þó mikið verði að gera. Næstu tvo mánuði verður Gyða líka á fullu í vinnunni þannig að það mun reyna á alla fjölskylduna.

Gyða dró mig í ræktina á sunnudag og ég endurnýjaði árskortið í leiðinni. Þarf að setja upp vikuplan. Mun sennilega einungis komast í fótbolta tvisvar í viku í vetur - sýnist hádegisboltinn á þri/mið/fim alveg detta út miðað við nýjustu stundarskrá á Uglunni.

Myndina tók ég á gamlársdag í Borgarfirði þegar fjölskyldan var á heimleið úr sumarbústað. Myndin er samsett úr nokkrum römmum. Mér gekk ekkert að ná litunum á skýjunum eins og þeir voru í raun. Litirnir á þessari eru bara bull, þarna var ég að fikta.