Mbl og Vísir segja frá bílveltu á Reykjanesbraut.

Ökumaður bifreiðar var fluttur á slysadeild eftir að bíll hans velti á Reykjanesbraut, við Sprengisand, og hafnaði á staur um hálftíuleytið í kvöld. Bíllinn fór þrjár veltur áður en hann staðnæmdist. #

Ég ók framhjá vettvangi rétt fyrir tíu og um hálf ellefu og sá ekki betur en að eitthvað meira hafi átt sér stað. Rétt hjá gatnamótum Reykjanesbrautar og Bústaðavegar við Sprengisand hafði lögreglan lokað tveimur akreinum og svo virtist sem bíll hefði endað utan vegar - í Elliðaárdalnum. Ég sá ekki bílinn sem fór allar velturnar þannig að væntanlega endaði hann utan vegar. (uppfært, skv. mbl endaði bíllinn í Elliðaárdal, í fréttinni er líka talað um fljúgandi hálku)

700 metrum sunnar, á endanum á aðreininni að Reykjanesbraut, frá slaufunni á Miklubraut, var lögreglubíll sem virtist hafa lent í einhverju tjóni. Þeirri afrein var lokað frá Miklubrautinni af öðrum lögreglubíl með blikkljós (grænt strik).

Á myndinni er gult X þar sem bílveltan átti sér stað, en og rautt þar sem lögreglubíllinn var. Eitthvað hlýtur að hafa komið upp þar, það var engin ástæða til að loka slaufunni frá Miklubraut vegna veltunnar, umferð af þeirri aðrein kom ekki að vettvangi bílveltunnar.