"Þetta var fullkomið"

Black Swan er besta mynd sem ég hef séð í langan tíma. Spennandi, heillandi, hrollvekjandi, óskaplega óþægileg og afskaplega falleg. Tónlistin er náttúrulega mögnuð, myndatakan flott og allt eins og það á að vera í góðri bíómynd.

Þó það sé ekki mikið um hrottaskap í myndinni hangir maður á sætisbrúninni og þegar eitthvað óþægilegt gerist þá er það virkilega óþægilegt. Kannski frekar mikið af "kattaratriðum" en hvenær var maður síðast spenntur þegar einhver var að klippa neglur?

Svo held ég að hafi hafi aldrei verið jafn stressaður að horfa á ballet og hef ég þó horft á dóttur mína nokkrum sinnum á sviði (foreldrar vita að það getur verið afar stressandi).

Verst að Kolla er of ung fyrir þessa mynd. Ég sýni henni hana eftir nokkur ár.