Á Facebook síðu Illuga Jökulssonar varð umræða um menntun og skólagöngu í kjölfar þess að Illugi auglýsti námskeið sitt hjá Endurmenntun Háskóla Íslands um Jesús frá Nasaret. Prestur spurði um sérmenntun Illuga á þessu sviði og í kjölfarið kommentaði Teitur Atlason og benti á að ýmsir hefðu góða þekkingu á þessu þó þeir hefðu ekki endilega sérmenntun og nefndi nokkra Vantrúarmenn.

Páll Ásgeir Ásgeirsson göngugarpur skrifaði þá athugasemd.

Ekki ætla ég að rökræða við Pál Ásgeir á síðunni hans Illuga, þetta er fyrirsjáanleg klisja sem kemur reglulega frá biskupi Íslands og aðdáendum hans, af og til frá öðrum. Af hverju er það "ofstæki" þegar við í Vantrú berjumst gegn trúboði í skólum eða ríkiskirkju (svo dæmi séu tekin) en ekki ofstæki þegar Páll Ásgeir berst gegn akstri utan vega? Er Páll Ásgeir "jihad stríðsmaður" ferðafélagsins? Þætti honum fólk gera lítið úr sér og sínu fólki ef það segi að ekki þyrfti að hlusta á Pál og annað göngufélagsfólk vegna þess að þau eru "ofstækisfull"?

Annars er þessu hjali um herskáa brjálaða ofstækisfulla öfgatrúleysingja ágætlega lýst með mynd.

Um þetta hafa að sjálfsögðu verið skrifaðar greinar á Vantrú, meðal annars þessar.

• Öfgafullir trúleysingjar?
• Ofstæki og hatur
• Vér fúndamentalistar