• Forsíðufrétt Morgunblaðsins fjallar að sjálfstöðu um stöðu Orkuveitunnar. Einnig er sagt frá því að hestapestin hafi kostar hundruði milljóna (svart eða hvítt?) og að aðilar vinnumarkaðarins sæki hart að ríkisstjórninni.

• Forseti ASÍ er ósáttur við ákvörðun SA og leggur til skamtímasamninga segir í frétt blaðsins á fjórðu síðu. Á fimmtu síðu er heilsíðuauglýsing frá Þjóðleikhúsinu um sýninguna Allir synir mínir. Af hverju er Þjóðleikhúsið að auglýsa í Morgunblaðinu? Fær það afar ódýrar auglýsingar eða sýna einhverjar rannsóknir að þannig náði það betur til markhópsins?

• Áfram er haldið að fjalla um veggjakrot en um það var fjallað á baksíðu í gær. Samkvæmt frétt virðist veggjakrot vera farið að aukast aftur.

"Við finnum fyrir töluverðir aukningu aftur", sagði Þorsteinn Pálmason sem rekur fyrirtækið Allt-af ehf. Það afmáir m.a. veggjakrot og býr yfir sérstökum búnaði til þess.
Þorsteinn sagði að dregið hefði úr kroti eftir átakið gegn veggjakroti árið 2008 og það hefði ekki aukist fyrst eftir hrunið. Á tímabili sagði hann hafa verið að velta því fyrir sér hvort skortur hefði verið á úðabrúsum á landinu.

Skop og Staksteinar

Ég veit það kemur á óvart en skopmyndin er ekki fyndin. Staksteinar eru aftur sprenghlægilegir í dag. Þar skjóta þeir föstum skoðum á Áfram hópinn sem dirfist að nota íslenska fánann í merki sínu (gvuð minn almáttugur á innsoginu).

Af hverju er nauðsynlegt að skreyta sig með íslenska þjóðfánanum í bak og fyrir þegar er verið að skora á fólk að sýna Bretum og Hollendingum einstakan undirlægjuhátt?

Er ekki of langt gengið að vefja skuldum óreiðumanna inn í íslenska fánann til að koma þeim fyrir þjóðina?

Mátti ekki nota gömlu Icesave-veifurnar?

Þrotabú Landsbankans mun eiga mikið af þeim.

Er þessi notkun fánans ekki undarleg þegar í hlut á hópur sem hefur það sem keppikefli að gera fána Evrópusambandsins jafngildan íslenska þjóðfánanum?

Ég tel fánann reyndar sjaldan gott lógó en mikið óskaplega eru Staksteinar bitrir!

Meðallestur eykst

Morgunblaðið túlkar prentmiðlakönnun Capacent Gallup þannig að meðallestur blaðsins hafi aukist milli kannana en meðallestur Fréttablaðsins hafi dregist saman. Meðallestur Fréttablaðins er 59,96% en meðallestur Morgunblaðsins 33,18%.

• Heil opna er tekin undir Orkuveitu Reykjavíkur. Svosem ekkert um það að segja!

Leiðari dagsins segir að það verði "sífellt ljósara að það er engin ríkisstjórn í landinu".

Miðað við atlögu Vinstri grænna gegn Geir Haarde er augljóst að sama tilefnið er nú til að draga Jóhönnu Sigurðardóttur fyrir Landsdóm og hann.

• Ólöf Nordal alþingismaður vil lækka skatta strax. Ég veit ekki alveg hvernig hún ætlar að fylla upp í fjárlagagatið. Það fylgir ekki sögunni.

Guðmundur F.!

Guðmundur F. Jónsson viðskiptafræðingur og formaður Hægri grænna skrifar um erlend matsfyrirtæki sem hann telur vinna eftir pöntunum. Hvenær hætti Guðmundur að vera Franklín?

• Hannes G. Sigurðsson og Þorkell Sigurlaugsson svara báðir opnu bréfi Óla Björns Kárasonar um Icesave og gera það ágætlega enda var bréf Óla glatað.

Halldór Úlfarsson skrifar um mestu skaðræðisríkisstjórn allra tíma. Nei, hann er ekki að tala um ríkisstjórnin sem ollu hruninu heldur þá sem tók við og er í því að hreinsa upp skítinn!

Ríkisstjórnin hafði alla bankana í hendi sér og þeim hefði verið í lófa lagið að leiðrétta erlend lán heimilanna strax um til dæmis 30% fyrir fólkið í landinu og ég held að 99% af lansmönnum hefðu sætt sig við það.

Ég tel að Halldór hafi kolrangt fyrir sér. Ég held að fæstir hefðu sætt sig við 30% lækkun heldur vilji miklu meira.

• Fimm síður fara undir minningargreinar.

• Víkverji skrifar um verðtryggingu sem hann skilur ekki. Stjörnuspáin er baaaahhhh....

• Á baksíðu er rætt um karla og krabbamein. Morgunblaðið hefur staðið sig ágætlega í þeirri umfjöllun í mars.