Ég styð Karl biskhopp 100%. Þetta tal um að hann eigi að segja af sér er ábyrgðarlaust og í raun glórulaust. Hvað verður um siðinn í landinu ef Karl er ekki lengur æðstistrumpur? Hver á að standa á bak við trúboð í leik- og grunnskólum landsins? Hver á að verjast hatrömmum trúleysingjum? Fólk þarf að hugsa þetta til enda, ekki ana að neinu bara þó Karl hafi reynt að þagga niður í fórnarlömbunum kynferðisglæpamanns og stungið einhverju ómerkilegu bréfi í skúffu í eitt og hálft ár. Sá yðar sem syndlaus er kasti fyrsta dildóinum.

Áfram Karl, þú ert uppáhalds biskhoppurinn minn. Megir þú vera sem allra lengst í forsvari fyrir ríkiskirkjuna og tjá þig sem allra allra mest. Best væri ef þú myndir drulla aðeins meira yfir trúleysingja til að vernda siðinn og minna fólk á það hverslags náungi þú ert í raun og veru.

Ég minni á að Karl Sigurbjörnsson er biskup allra íslendinga, hvort sem þeir eru skráðir í trúfélagið hans eða ekki enda er ríkiskirkjan hans sérstaklega vernduð af ríkinu samkvæmt stjórnarskrá. Karl er með diplómatapassa!

Svo situr fólk sveitt við að semja nýja stjórnarskrá þar sem fram á að koma að Karl biskup sé ennþá biskupinn okkar allra. Þið vitið, til að vernda fjárans siðinn í landinu.

ps. Ég held að biskupinn hafi bara haft slæma ráðgjafa. Hann þarf að finna nýja. Ég legg til að formaður VR verði fenginn í starfið. Saman yrðu þeir óstöðvandi.

• Vantrú: Biskup snýr aftur