Það er eitt sem trúað fólk þarf að læra af umræðu síðustu daga og vikna. Eitt sáraeinfalt atriði sem það þarf að heyra og kyrja aftur og aftur og aftur þar til það eru búið að meðtaka hugmyndina.

Þið eruð ekkert betri en annað fólk.

Annað var það ekki.

Það er enginn að segja að þið séuð eitthvað verra fólk, jafnvel þó sumt trúað fólk geri slæma hluti, en það er staðreynd að þið eruð heldur ekkert endilega betra fólk þó þið hafði ákveðið að tilheyra einhverjum tilteknum trúarbrögðum eða trúa einhverjum hugmyndum sem ganga ekki upp í raunveruleikanum.

Hættið að halda því fram að annað fólk sé siðlaust. Hættið að segja að Ísland sé kristið land. Hættið að agítera fyrir því að það þurfi að boða trú í skólum. Hættið að gefa í skyn að ef börn séu ekki alin upp í kristni séu þau alin upp í gildissnauðri heimsmynd. Hættið að halda því fram að hér þurfi að vera þjóðkirkjuákvæði í stjórnarskrá. Hættið að halda því fram að prestar eða aðrir trúarleiðtogar séu heilagir. Hættið að halda því fram að allt sem er jákvætt í samfélögum nútímans megi rekja til ykkar trúarbragða. Hættið að þykjast betri en annað fólk.

Gerið það fyrir mig.