Iceland og Krónan - verðmunur
Þessar frönsku kartöflur frá Iceland verslunarkeðjunni fást í Krónunni. Þær sýna vel verðmuninn því á pakkningunni kemur fram að pokinn kostar eitt pund, í Krónunni kosta kartöflurnar hins vegar 598 krónur eða þrefalt meira. Gengi pundsins er um 195 krónur.
Það er dýrt að búa á Íslandi.
Erna Magnúsdóttir - 18/02/12 18:55 #
OJ! Ég trúi ekki að þetta rusl úr Iceland sé selt dýrum dómum á Klakanum. Ég fer aldrei í þessa búð hér þetta er svo mikið rusl sem er selt þar....
Elías Halldór - 18/02/12 21:46 #
Já, þá er þetta nú skárra en þegar ég bjó í London. Þá var vöruverð hér heima almennt á bilinu fjórum sinnum til tíu sinnum hærra en í London. Svo voru kynntar einhverjar rannsóknir í Kastljósinu þar sem því var haldið fram sem staðreynd að vöruverð á Íslandi væri bara nokkrum prósentum hærra en í nágrannalöndunum.
Erna Magnúsdóttir - 18/02/12 21:55 #
Þær vörur sem ég kaupi hér í UK í Tesco og Sainsbury's eru yfirleitt ekki mikið dýrari á Íslandi en hér, en gæðin eru yfirleitt betri en heima. Þannig kaupi ég eðal kjúklingabringur, ófrosnar, free-range, og lífrænt ræktarðar á svipuðu verði og kjúklingabringur á bakka í Hagkaupum, þegar þær fást. Þegar ég er á Íslandi fer semsé sami peningur í matarinnkaup og þegar ég er í UK. Ég borða samt mest lífrænt ræktaðan mat og ég borða nær engan unninn mat, bara ferskan og elda allt "from scratch".
Óli Gneisti - 19/02/12 13:36 #
Það munar reyndar sjálfsagt einhverju í grunninn. Krónan kaupir þetta ekki á sama verði og Iceland sem lætur sérframleiða þetta fyrir sig.