Sigurður Þorsteinsson var þjálfari hjá Stjörnunni í gamla daga, þjálfaði mig í a.m.k. tveim flokkum. Ég hef ósköp lítil samskipti átt við hann síðan, rakst á hann í Bónus á síðasta ári og spjallaði örstutt um hitt og þetta.

Í gær bloggaði hann við frétt þar sem fram kemur að fulltrúi VG í velferðarráði vill ekki auka framlög til Hjálpræðishersins. Þetta þótti Sigurði afar slæmt mál og skrifaði hann því þessa stuttu bloggfærslu:

Öfgasinnar og ofbeldislýður veður uppi

Þeir fræðimenn sem skrifðu um hrunið vöruðu margir við því að í kjölfarið væru kjöraðstæður fyrir alls kynns öfgahópa, og þeir höfðu rétt fyrir sér. Hér hafa sprottið upp mótorhjólagengi sem kennd eru við erlend glæpasamtök. Hér hafa ekki komið fram nýnasistar eins og einhverjir óttuðust, en kommúnistarnir sem eru sambærilegir öfgasinnar hafa náð ríkisstjórn Íslands og stjórna nú Íslandi með skelfilegri niðurstöðu.

Allt sem minnir á kristni eða kristin gildi hatar þetta lið. Almenningur er búinn að fá nóg.

Ég gat ekki haldið aftur af mér og setti inn öfgafulla og herskáa athugasemd:

Ertu að grínast Sigurður?

Viðbrögð Sigurðar eru "áhugaverð" og dæmigerð. Ég hef lent oftar en einu sinni í sambærilegum samræðum og alltaf eru þær til merkis um það hvað ég er mikill öfgamaður og brjálæðingur. Klippi hér úr athugasemdum Sigurðar það sem mér tengist beint eða óbeint:

Matthías, ég á góða vini sem ekki eru trúaðir, en aðhyllast kristin gildi. Það sem ég hef séð til félaga í Vantrú, er þess eðlis að mér finnst framgangan aumkunarverð. Atti von á að framgangan í Háskólanum gerði það að verkum að þið hélduð ykkur utnan fjölmiðla.

-

Matthías fullyrðinar þínar hvað ég veit og hvað ég veit ekki um þetta Háskólamál lýsa e.t.v. málflutningi ykkar. Fyrst er fullyrt eitthvað en að hafa neina þekkigu á málefninu. Það eru alræðissinnar í öllum flokkum og hvað þeir hafa fram að færa kæri ég mig kollótta um. Yfirleitt geta þeir, eða vilja ekki fara með rétt mál.

Ég man eftir þér sem ungum strák, og þá varstu með vandaðri ungu mönnu. Hvað vær þig til þess að eyða orkunni í að ráðast á þá sem aðhyllast kristna trú er mér algjörlega óskiljanlegt. Það hlýtur að finnast verðugri verkefni.

-

Alræðissinnar eru stórhættulegir lýðræðissamfélögum. Það eru líka þau glæpasamtök eins og þau sem hafa verið að ryðja sér til rúms. Það er athyglisvert að þessum aðilum er mjög í nöp við kristna trú.

Af hverju ykkur í Vantrú er svona á móti kristnum aðlum veit ég ekki og er raunar alveg stlétt sama. Ég hef í allnokkur skipti lesið það sem þið hafið verið að koma fram með og finnst það oft aumkunarverður málflutningur.

Ég kynnti mér af sérstökum ástæðum þetta Háskólamál talsvert, en þú veist alveg hvað ég veit um það mál. Af þeim sökum ætla ég ekki að rökræða það. Mér fannst Háskólarektor afgreiða það mál af skynsemi. Ykkar var skömmin, auk þeirra sem tóku ykkur trúanlega. Læt þessum rökræðum við lokið að sinni.

-

Sævar það eru margar stofnanir í samfélaginu, skátarnir, ungmennafélögin og hluti írþóttafélaganna, kvennfélögin, Oddfellowar sem byggja á kristnum grunngildum. Það er það sem öfgahluti VG, kommúnistahlutinn, ofbeldisgengin og Vantrú leggur höfðuáherslu að ráðast gegn. Þú getur séð Matthías og félaga í Vantrú koma inn á öll blogg sem fjalla um kristna trú. Sama taktíkin, sama hallærisvinnan. Veit ekki hvort þeir fái borgað fyrir framgögnuna, eða hvort þetta er unnið af illu innræti.

-

Stærsti hluti þjóðarinnar er kristinn, og það hlýtur að hafa áhrif á margt í samfélaginu. Ef ég flyt til Tyrklands reikna ég með því að ég verði að taka tillit til þeirra trúarbragða og sætta mig við áhrifin á umhverfi mitt svo á við, um önnur trúrarbrögð og þjóðir. Það að við eigum að taka meiri tillit til þeirra sem ekki eru kristni, en þeirra sem eru kristnir, hef ég miklar efasemdir um.

Í mínum vina og kunningjahóp eru bæði einstaklingar sem telja sig kristna en sinna trú sinni misvel, og þeir sem segjast ekki trúa. Umræðan hefur verið tekin og menn eru sammála um að það sé ástæðulaust að þurrka út öll einkenni og áhrif kristinnar trúar í okkar samfélagi til þess að þóknast litlum trúlausum öfgahóp.

Svona er þrasið! Þarna eru kunnugleg stef, fullyrðingar um ofstæki og illt innræti mitt en engin svör og engin dæmi.