Skelltum okkur í bíó í gærkvöldi og sáum Prometheus í þrívídd. Ástæðan fyrir því að ég fór loks á myndina var að ég hef verið að rekast á greinar og myndbönd um myndina og dauðlangaði til að lesa en vildi ekki spilla glápinu.

Mér fannst myndin nokkuð góð en Gyða var ekkert rosalega hrifin (hún er ekki einu sinni búin að sjá Alien/s!). Við vorum sammmála um að myndin væri mjög flott (jájá segir Gyða). Ég held að einhverjir ættu að plata Ridley Scott til að taka upp landkynningarmyndbönd. Ég veit ekki hvort þrívíddin gerði nokkuð fyrir myndina.

Annars mæli ég með umfjöllun RedLetterMedia. Þetta "spjall" þeirra er einnig gott - en bara fyrir þá sem hafa séð myndina.

Jesúvinkillinn er dálítið skemmtilegur, um hann er hægt að lesa á reddit.