Elías Halldór guðlastaði á Facebook og Steingrímur þessi ræddi málið. Ég laumaði inn lítilli athugasemd, var að spá í að skrifa aðra^* en hætti við.

Þetta voru semsagt viðbrögð hans við athugasemd minni :-) Hverslags brjálæðingur heldur þetta fólk eiginlega að ég sé? Er þetta ekki merkilega fordómafull og dónaleg athugasemd hjá Steingrími? Ég benti á það og sagði að hér væri komið efni í nýja aðdáendafærslu

Þetta snýst ekki um orðið "ormagryfjuna" eins og Steingrímur virðist halda heldur "svona karakterar". Það hefur tekist fullkomlega hjá biskupsstofufólki að djöfulgera mig. Magnað. Og ég er að sjálfsögðu "vondi gaurinn" fyrir að birta þessa bloggfærslu. Eftir að ég birti hana skrifaði Steingrímur:

svo ertu hissa á því Matthías að fólk sé hrætt við þig og skrif þín, en þér hefur nú tekist að útmála mig sem einhvern hálfvita og tengir það við biskupsstofu í þokkabót, finnst þér virkilega eðlilegt að koma svona fram?

Í alvöru talað!

^* Ætlaði að bæta við að enginn kristinn myndi taka því illa ef ég segi að kristni hefði verið fundin upp af sturluðum geimverum - en ef ég nefndi að Marteinn Lúther hefði verið sturlaður gyðingahatari er hætt við að margir myndu móðgast. Það seinna er samt óumdeilt.