Nokkur sannleikskorn
- Það eru ekki tvær hliðar á öllum málum.
- Sannleikurinn leynist ekki mitt á milli tvennra öfga.
- Oft veldur einn þá tveir deila.
- Árinni kennir sá sem hefur ónýta ár.
- Gestsaugað er stundum staurblint.
- Geymdur eyrir glatast við hrun krónunnar.
- Næstum ekkert er hey í harðindum.
- Sá vægir sem nennir ekki lengur.
- Lyginni verður hver sárreiðastur.
- Oftast er rok á undan stormi.
- Vinur er sá sem er ekki sífellt að tuða í þér útaf einhverjum tittlingaskít.
- Hver er sinnar gæfu smiður nema hann sé með fæðingargalla, lendi í slysi eða annað fólk geri eitthvað á hans hlut.
Sindri G - 05/10/12 10:03 #
•"Hver er sinnar gæfu smiður nema hann sé með fæðingargalla, lendi í slysi eða annað fólk geri eitthvað á hans hlut." Svo er líka hægt að vera bara plain óheppinn - rangur maður á röngum stað. X er klár og duglegur og fer í háskólanám í fornleifafræðia. Að loknu námi kemur hrun og vegna peningaskorts er öllum fornleifarannsóknum hætt og X fær ekki starf sem hentar honum. (Eða hann lærir lögfræði, en bara þeir sem eiga frændur og vini í lögmannsstétt fá störfin, o.s.frv.)
Sindri G - 05/10/12 10:22 #
Smá málfræðiábending. •Sannleikurinn leynist ekki mitt á milli tvennra öfga. (ekki tveggja öfga, þar sem öfgar eru kvekynsorð!)
Sindri G - 05/10/12 12:48 #
Þessi ábending var nú bara grobb og málfarslegt-yfirlæti hjá mér :) (Maður verður svona af því að vinna með málfræðingum á hverjum degi)
Gunnar - 10/10/12 22:38 #
Ekki vegna þess að öfgar eru kvenkynsorð, heldur vegna þess að öfgar eru fleirtöluorð. Það gildir sama um lýsingarorðin tveir og tvennur að þau eru eins í karlkyni og kvenkyni eignarfalls fleirtölu.
http://bin.arnastofnun.is/leit.php?q=tveir
http://bin.arnastofnun.is/leit.php?q=tvennur
Afsakið grobbið og yfirlætið, en ég er brigðull eins og við flest — fer t.d. iðulega í sundskýlur, líklega vegna þess að buxur er fleirtöluorð. :-)
Einar Jón - 19/10/12 16:15 #
Gunnar: Hvers vegna ráða buxur því í hvaða tölu sundskýlur eru?
Tarsan var alltaf í lendaskýlu, og á meira skylt með pilsi en buxum. Eða hvað?